နောက်ခံအကြောင်းအရာ

အမျိုးသားအဆင့် နေရာဒေသဆိုင်ရာကုဒ်စနစ် (NCS) သည် နိုင်ငံတော်အစိုးရ ၏ အုပ်ချုပ်မှုယူနစ် များအားလုံးအတွက် တရားဝင်အသိအမှတ်ပြု ကုဒ်ပေးခြင်းဖြစ်ပါသည်။

နေပြည်တော်/တိုင်းဒေသကြီး/ပြည်နယ်၊ ခရိုင်၊ ကိုယ်ပိုင်အုပ်ချုပ်ခွင့်ရ တိုင်း/ဒေသ၊ မြို့နယ်၊ မြို့ တော်နှင့် မြို့၊ ရပ်ကွက်၊ ကျေးရွာအုပ်စုနှင့်ကျေးရွာ စသဖြင့် နိုင်ငံတော်၏ အုပ်ချုပ်မှုယူနစ် အဆင့် (၈) ခုပေါ်တွင် အခြေခံထားပါသည်။

အားလုံးသော အစိုးရ ဌာနဆိုင်ရာများ၊ ဝန်ကြီးဌာနများနှင့် အခြားပူးပေါင်းပါဝင်သူများသည် NCS အား အုပ်ချုပ်မှုယူနှစ် အားလုံးအတွက် စံသတ်မှတ်ထားသည့် ကုဒ် အနေဖြင့် အသုံးပြုသင့်ပါသည်။

အတူတကွ ပူးပေါင်းဆောင်ရွက်နိုင်ရန်အတွက် ပင်မကျောရိုး တစ်ခုလည်း ဖြစ်ပါသည်။ ကွဲပြားသော အချက်အလက်ရင်းမြစ်များနှင့် အချက်အလက်ထောက်ပံ့ပေးသူများမှ အချက်အလက်များကို ပေါင်းစပ်ခြင်းနှင့် ဖလှယ်ခြင်းများကိုလည်း များစွာ အထောက်အကူ ဖြစ်စေပါသည်။

နည်းပညာဆိုင်ရာ အဖွဲ့ဝင်များဖြစ်သော အောက်ပါ ဌာနများ၏ သဘောတူညီမှုဖြင့် NCS အား အကောင်ထည်ဖော် ခဲ့ခြင်း ဖြစ်ပါသည်။

• အထွေထွေအုပ်ချုပ်ရေးဦးစီးဌာန၊ ပြည်ထောင်စုအစိုးရအဖွဲ့ရုံးဝန်ကြီးဌာန။ (ဦးဆောင်သူ)
• ပြည်သူ့အင်အားဦးစီးဌာန၊ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန။
• ဗဟိုစာရင်းအင်းအဖွဲ့၊စီမံကိန်းနှင့် ဘဏ္ဍာရေးဝန်ကြီးဌာန။
• ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန။
• လယ်ယာမြေစီမံခန့်ခွဲ ရေးနှင့် စာရင်းအင်းဦးစီးဌာန၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန။
• မြေတိုင်းဦးစီးဌာန၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန။
• သစ်တောဦးစီးဌာန၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန။
• အခြေခံပညာဦးစီးဌာန၊ ပညာရေးဝန်ကြီးဌာန။
• ပြည်သူ့ကျန်းမာရေးဦးစီးဌာန၊ ကျန်းမာရေးနှင့် အားကစားဝန်ကြီးဌာန။

ယင်းစနစ်အကောင်ထည်ဖော်ဆောင်ရွက်ခြင်းအား မြန်မာသတင်းအချက်အလက် စီမံခန့် ခွဲမှုယူနစ် (Myanmar Information Management Unit, MIMU) နှင့် မြန်မာအမျိုးသားမြေပုံစနစ်စီမံကိန်း (OneMap Myanmar Project) တို့မှ နည်းပညာ ပိုင်းဆိုင်ရာ ပံ့ ပိုးမှုများ လုပ်ဆောင်ခဲ့ပါသည်။